En outono de 2020 desenvolvemos este obradoiro de podcast cun grupo de rapazas e rapaces de diferentes etapas educativas. O curso realizouse a través da ANPA do IES no marco do Programa de Igualdade. Os obxectivos eran formar á rapazada nun uso creativo das TIC ao tempo que sensibilizar arredor da igualdade de xénero.
O proceso incluíu por parte do alumnado o traballo de guión, gravación e edición das diferentes pezas que forman o podcast e foi presentado, xunto con unha pequena charla de sensibilización, a nais e pais no centro. O resultado foi un piloto de Diversiradio, unha proposta de radio educativa feminista feita polo alumando.
