Este curso online de 20 horas realizouse dentro da “Academia de Telecentros e de Organizacións Sociais” da Fundación Esplai. Esta academia ofrece periodicamente cursos de formación online dirixidos a persoal técnico de organizacións sociais.
A nosa actividade, que se desenvolveu ao longo de 4 semanas, tiña como obxectivo principal analizar o discurso mediático para reforzar unha visión crítica sobre a relación entre medios e migracións, a partir do cal poder elaborar contradiscurso a través de narrativas dixitais e integralos en actividades de aprendizaxe formal e non formal.
